مشرق وسطیٰ

پڑوسیوں کے ساتھ ترکی کے تعلقات کیوں بگڑ رہے ہیں

ترکی کے صدر رجب طیب اردوغان نے اپنے ملک پر مزید پابندیاں لگانے کے لیے امریکہ کو چیلینج کرنے اور یورپی رہنماؤں کے خلاف سخت بیان بازی کے بعد پیر کو ترک کرنسی لیرا کی قیمت میں کمی واقع ہوئی جس کے بعد ترک لیرا کی قیمت امریکی ڈالر کے مقابلے میں 8 پوائنٹس نیچے آ گئی۔
بمشکل 10 سال پہلے بحیرہ روم اور مشرقِ وسطیٰ میں ترکی کے خارجہ تعلقات اور کردار آج سے بہت مختلف نظر آتے تھے۔ معیشت ایک متاثر کن شرح سے ترقی کر رہی تھی، ایک مقبول اور مستحکم حکومت کے حامل پر اعتماد ترکی نے خطے میں قائدانہ کردار ادا کرنا شروع کر دیا تھا۔